ஜோதிட ஞானம் சிறக்கப் பரிகாரம், தொடர்ச்சி.

187

Get real time updates directly on you device, subscribe now.

ஓம் ஸ்ரீ ஈஸ்வர மஹா ஜோதியே சரணம்!

12•08•2017,
வெள்ளிக்கிழமை,
குரு ஈஸ்வராலயம்,
பொள்ளாச்சி.

(408) மனிதனே புனிதன் —-
ஜோதிட ஞானம் சிறக்கப் பரிகாரம், தொடர்ச்சி.
°°°°°°°°°°°°°°°°°°°°°°°°°°°°°°°°°°°°°°°
இனிக் கலசங்களை அர்ச்சிப்பதற்கு, சிந்தனைத் தெளிவைத் தந்து சிவஞானம் சித்திக்கும் தருநீற்றுப் பச்சிலை,
சக்தியின் ஆற்றலை வெளிப் படுத்திக் பெரும் புகழ் ஓங்கச் செய்யும் மாதுளை இலைகள், செளபாக்கியம் அருளிக் கருணை யின் இருப்பிடமாக்கும் அருகம்புல் இவைகளை மகாலக்ஷ்மியின் கடாட்சத்தை அள்ளி அருளும் சந்தனத்தில் தோய்த்துக் கலச தேவதைகளை அர்ச்சிக்கலாம். இந்த வழிபாடு சிறப்பான வெற்றி பெற இரண்டைப் பிள்ளையார்கள், மஞ்சள், சந்தனம் இவற்றில் பன்னீர் கலந்து பிடித்து வைத்துப் பூஜனை புரியலாம். சகல சாஸ்த்திர ஞானம் இறைவன் அருளால் நிச்சயம் உண்டாகும். தினமும் இப்படிக் கலச நீரில் ஒரு மண்டலம் தொடர்ந்து குளித்து வர வேண்டும். போதாயன அமாவாசை தொடங்கிக் கலசநீர் ஆட பாரில் அனைத்துத் சிறப்புக்களும் வசீகர சக்தியும் உண்டாகும். விளாம்பழம், நாவல் பழம் இவைகளைப் தேனில் தோய்த்து உண்டு வரக் காரியசித்தி உண்டாக்கும். சொன்ன சொல் பலிதமாகும். காப்புக் கட்டி எடுத்த வேர்களைத் தினமும் கலச நீரில் போட்டுக் குளித்து வரப் பாரில் சிறப்புடன் வாழ்வர். உபதேசித்த சற்குரு நாதனுக்கும் கோடானு கோடி நன்றிகள்.

ஜோதிடக் கலை சிறக்கும் இந்தப் பரிகாரம் செய்யும் அன்பர்கள் பிராணாயாமப் பயிற்சி பெற்று இருப்பார்களேயானால் வெளி விடும் மூச்சுச் காற்றைச் சந்திரனை எண்ணியபடி வெளிவிட வேண்டும். அதனால் நாதமயமாக விளங்கி அந்தச் சந்திரனில் இருக்கும் பராசக்தி யின அருளுக்கும் பாத்திரமாவார் கள். மற்றும் இந்தக் கலையில் நீங்கள் எப்படி ஒரு வெற்றி யாளராக உருவாக வேண்டும் என்று எண்ணுகின்றீர்களோ, அந்த நல்ல எண்ணங்களுக்குப் பின்னால் ஒன்றே ஒன்று தான் நிச்சயமாக இருக்கிறது . அதுதான் இறைவனாகிய பராபரத்துடன் இணைந்து ஒன்றாகி விடுவதற்கு உரிய மனப்பக்குவம் மட்டுமே! இதற்கு நாம் ஒப்புக் கொண்டு
விடுவதும், உடனடியாகச் செயல் படத் துவங்கி விடுவதும் வெற்றி விவேகமே! இதனால் இந்த அபூர்வக் கலையானது அறிவில் சுடர்விடத் துவங்கி வாழ்வின் உண்மைகளைத் துல்லியமாகக் காட்டத்துவங்கி விடும். அன்பு சித்தர்கள் இந்தப் பரிகார முறையைப் பயன்படுத்திய வழி முறைகளில் அமோக வெற்றி பெற்றார்கள். இந்தப் பாடம் வெளிவரும் சமயத்தில் சதுரகிரி மலையில் இன்றைக்கும் வாழ்ந்து கொண்டிருக்கும் மாசிப் பெரியண்ணன் சுவாமி அவர்கள் அன்புடன் ஒரு செய்தியினை வெளிப்படுத்தினார். “ஜோதிடக் கலையின் முன்னோடிகளுக்கு அருமை மிக்க பரிகாரம் இது. இன்னும் ஒரு சாப்பிடும் கீரை வகையைச் சேர்ந்த மூலிகை ஒன்றையும் சேர்த்துக்கொண்டு விடுங்கள் ” என்கிற அன்பு மிகுந்த விண்ணப்பம் தான். இந்தப் பரிகாரம் செய்பவர்கள், வீரபாகு தேவருக்கு முருகப் பெருமான் நாகதோஷத்தை நீக்க உதவிய “குரா” மரத்தின் இலைகள் சேர்த்துக் கொள்ள நலன் பிறக்கும். காயகல்ப மூலிகைகளான “சிறியாநங்கை”, “பெரியாநங்கை” சேர்த்து அர்ச்சித்து பின் கலசநீரில் சேர்த்துக் குளிக்கலாம். அந்தந்த காலகட்டங்களில் மூலிகைகள் கிடைக்கும் சந்தர்ப்பங்களைப் பயன்படுத்திக் கொள்ளலாம்.

விஸ்வாமித்திர மகான் தவம் புரிந்த மேடையின் மீது அமர்ந்து பரிகார சம்பாசனைகள் புரிந்து கொண்டிருந்த இருவரது சிந்தனைகளும் இறையருளின் நாட்டத்திலேயே இருந்தது. அன்று கோயிலில் பூஜாரிகள் அநேக மூலிகைகள் கொண்டு செய்த யாகத்தின் பஸ்மத்தை நமது சுவாமி கேட்டுப் பெற்றுக் கொண்டார். தோப்பு மலையில் விஸ்வாமித்திரர் யாககுண்டத் துப் பஸ்மமும், நந்தகோபால சுவாமி கோயில் யாக குண்டத்துப் பஸ்மமும் ஆகிய அவ்விரண்டையும் ஜோதிட நிபுணர் திரு.ஷண்முகம் ஐயா அவர்களிடம் ஒப்படைத்தார். மலை மீது தோப்பில் மாமரவடி யில் சுரந்துவரும் ஊற்று நீரைச் செவ்வாய் தோஷம் போக்கிட கலசம் வைத்து பூஜித்து நீராடும் வழக்கம் உண்டு. இதே போன்று சதுரகிரி மலையில் உள்ள கஞ்சி மடத்தின் பின்பக்கம் ஒரு பாதை வனத்தினுள் செல்கிறது. சீங்கி முட்புதர்கள் அடர்ந்து இருக்கும் அந்தப் பாதையின் வழியே சென்றால், ஒரு கூப்பிடு தூரத்தில் நூற்றாண்டுத் பழமை வாய்ந்த மாமரம் ஒன்று, நல்ல ஆகிருதியுடன் அடி மரத்தில் ஒரு பகுதியில் உட்குழிந்து சற்று சாய்வாகக் காணப்படும். அதன் இலைகள் காண்பதற்கு வசீகரம் மிக்கதாகக் காணப்படும். மாமரத்தின் அடிப்புறத்தில் உள்ள சிறிய பள்ளத்தில் நன்கு கவனித்துப் பார்த்தால் மரத்தின் வேர்க்கால்கள் வழியாக நீர் வேகமாக வந்து கொண்டிருக் கும். அந்தநீர் செவ்வாய் தோஷத்தை நீக்கும் சரியான ஒளஷதம் என்று நமது சுவாமி அவர்களிடம், அங்கு வாழ்ந்து வரும் அறிவுசால் இளஞ்சித்தன் ஒருவர் உரைத்திருக்கின்றார்.

(மனிதனே புனிதன் வரலாறு இன்னும் தொடர்ந்து வரும்)

நன்றி! வணக்கம்!

—- ஸ்ரீ ஈஸ்வர குமாரரின் தொண்டன்!
மதுரை M.மேகநாதன்.


Copyright Warning:
* All images and materials are copyright protected and are the property of Guru Eswaralayam Charitable Trust. Please contact us at admin@gurueswaralayam.com for permission to use our copyrighted materials.
* Unauthorized use and/or duplication of these images and materials without written permission from this blog’s authors and owners is prohibited. Excerpts and links may be used, provided that credit is given to Guru Eswaralayam Charitable Trust, with appropriate and specific direction to the original content.

Get real time updates directly on you device, subscribe now.

Call Now Button